INFO

La manifestazione non è ancora attiva. Riprova più tardi.

INFO

Pulènta e galèna frègia
e un fantasma in söe la veranda
barbera cume petròli
e anca la löena la me paar che sbanda…

cadrega che fa frecàss
e buca vèrta che la diis nagòtt
dumà la radio sgraffigna l’aria
e i pensee fànn un gran casòtt

L’è minga vèra che nel silens
dorma dumà la malincunìa
l’è minga vèra che un tuscanell
l’è minga bòn de fa una puesìa

in questa stanza senza urelogg
bala la fata e bala la stria
in questu siit senza la lüüs
che diis tücc cos l’è duma’ l’umbrìa….

Scùlta el veent che pìca la pòrta
g’ha in cràpa una nìgula e in bràsc una sporta
el diis che g’ha deenter un bel regàal
me sa che l’è el sòlito tempuraal….

Scùlta i spiriti e scùlta i fulètt
ranpèghen in söel müür e salten föer di cassètt
g’hann söe i vestii de quand sèri penènn
i ne vànn e i ne vègnen (cun't la sciarpa del comm)

E la candela la sta mai ferma
la se möev cumè la memoria
e anca el ràgn söe la balaüstra
ricàma el quadru de la sua storia

la ragnatela di mè pensèe
la ciàpa tütt quèll che rüva scià
ma tanti voolt la g’ha troppi böcc
e l’è tüta de rammendà….

La finestra la sbàtt i all,
ma la sà che po’ mea na’ via
e i stèll g’hann la facia lüstra
cumè i öcc de la nustalgìa

in questa stanza senza nissöen,
vàrdi luntàn e se vedi in facia
in questa stanza de un òltru teemp,
i mè fantasmi i làssen la traccia

Scùlta el veent che pìca la pòrta
G’ha in cràpa una nìgula e in bràsc una sporta
el diis che g’ha deenter un bel regàal
me sa che l’è el sòlito tempuraal….

Scùlta i spiriti e scùlta i fulètt
ranpèghen in söel müür e salten föer di cassètt
g’hann söe i vestii de quand sèri penènn
i ne vànn e i ne vègnen cun’t el büceer del vènn..